అసలు మా తాతని అనాలి !!

మనలో ఉండే లోపలకి కారణం తల్లిదందండ్రుల ద్వారా మనకొచ్చిన  జీన్సు వల్లే అని అన్త్రోపోలోజి లో  ఒక థియరీ ఉంది. 'వీడికి వీడి తాత పోలికోచ్చింది ', ' మేనమామ పోలిక , మేనత్త చాలిక  ' .....ఇలాంటివి అన్నమాట.

ఇప్పుడు  నేను మా తాతని ఎందుకు అనాలి అన్న అంటే...అయన కాని, అయన పిల్లలు కాని, అయన మనవలలో కాని ఎవరు కళాకారులు కారు. మా తాతయ్య చిన్నతనం లోనే అయన తండ్రి చనిపోడం వల్ల మా ముత్తాత గురించి పెద్దగా సమాచారం ఏమి లేదు కాబట్టి వదిలేస్తున్నాను.

మా  మొత్తం కుటుంబం లో  కళాభిమానులు, కళాపోషకులు ఉన్నారు కాని, కళాకారులు మాత్రం లేరు. మా తాత, మా నాన్న, మా బాబాయిలు, మా అత్త , మా  కసిన్సు , నేను ......ఎవ్వరం కళాకారులం కాదు.  బయాలజీ లో బొమ్మలేయడం తప్ప ఎవ్వరు చిత్రలేఖనం లోకి ప్రవేశించలేదు.  మా కుటుంబం మొత్తం భయనకరంగా పాటలు పాడతారు. ఒక కూనిరాగం తియ్యడం కూడా సరిగ్గా రాదు, అసలు ముందు కనీసం ఒక్క పాట లిరిక్సు కూడా గుర్తు ఉండవు..మహా అయితే ఒక నాలుగు లైన్లు గుర్తుంటాయి అంతే ...నచ్చిన పాట ట్యూన్ కూడా గుర్తుండదు. సాహిత్యం, సంగీతం గుర్తు లేవు కదా అని మేము పాటలు పాడటం ఎప్పుడు ఆపలేదు. we might be the horrible singers, but still we sing. ఒక పాట లిరిక్ లోంచి ఇంకో పాట లిరిక్ లోకి వెళ్ళిపోయి, ఒకపాట ట్యూన్ ని ఇంకో పాట లిరిక్ కి జత చేర్చి మరీ పాడటం మాకు అలవాటు. చిన్నగా పాడటం కాదు, గొంతెత్తి పెద్దగా , అవే పాటలని ఇష్టం వచ్చినట్టు మళ్ళి మళ్ళి పాడుతూనే ఉంటాం. ఆ అలవాటు అందరికి ఉంది...మొత్తం కుటుంబానికి....ఎవరికీ వారికీ వారి సొంత పాటలు ఉంటాయి....ఒక నాలుగయిదు అలా ఉంటాయి...గత 20 సంవత్సరాలుగా అవే పాటలు పాడుతున్నారు. దాదాపుగా మంచి జోరు మీద ఎప్పుడు ఉంటారు కాబట్టి, ఎప్పుడు అలా పాటలు పాడేస్తూనే ఉంటారు. ఈ కళ మా అన్నయ్యకి  కొంచం ఎక్కువ  వచ్చింది....మా అన్న...మూవీ డయలాగులు కూడా అలానే పడేస్తూ ఉంటాడు ( ఒక్కసారి ఊహించుకోండి ...మగధీర మూవీ లోని "శత్రువులని చండాడే ధీరుడు భైరవ " అన్న ఒక్క లైను మీ బైక్ వెనకాల ఎవరినా కూర్చుని ...35km drive లో ప్రతి 20 సేకాన్లకి ఒకసారి అంటూ ఉంటె )...

పాటల గురించి వదిలెయ్యండి...అసలు ఈ పోస్టు నేను రాయడానికి ముఖ్య కారణం....నేను డాన్సు చేయలేకపోడం వల్ల పడ్డ కష్టాల గురించి....అసలు సరిగ్గా సంగీతం ఎంజాయ్ చేయలేనివాడు నాట్యం ఎం చేయగలడు చెప్పండి. (నాట్యం అంటే మొత్తం శరీరం తో పాడటం అని Happy feet మూవీ లో చెప్తారు ). గణేష్ నిమజ్జనానికి తీన్ మార్ ట్రై చేసాను....రాలేదు, కాలేజీ లో డిస్కో పెడితే ట్రై చేసాను...రాలేదు...ఆఖరికి ఒక చిన్న గ్రూప్ ముందు కూడా ట్రై చేసాను...రాలేదు...ఈ జీవితానికి డాన్సు చేయడం రాదు అని అనుకున్నాను. ఇంతలో DJ night ఒక దానికి వెళ్ళాం .... నాలాగా డాన్సు రాని వాళ్ళందరిని ఒకచోట పోగేసి ఒకళ్ళ మీద ఒకళ్ళం జాలి  చూపిస్తున్న సమయం లో ....నన్ను dance floor మధ్యలోకి లాక్కుపోడం జరిగింది....ముందు ఎం చెయ్యాలో అర్థం కాలే....నాకు తెలిసిన వాళ్ళలో కనిపించిన వాళ్ళందరికి  వాళ్ల డాన్సు మీద compliments ఇచ్చేస్తునపుడు ...Hitch మూవీ లో will smith తన client కి నేర్పిన steps గుర్తొచ్చాయి....కాసేపు అవి చేశా పాటలు నేను కూడా గట్టిగా పడేస్తూ ...కాసేపు ఎదుటి వాళ్ళని అనుకరించా ...కాసేపు Eminem లా చేతులు వూపా ...నేను చేస్తున్న దానికి నాకే నవ్వు ఆగడం లేదు ....ఇంతలో కొంత మంది ట్రైన్ ఆట మొదలు పెట్టారు...కాసేపు అది ....ఇంతలో "సంతోషం మూవీ " సునీల్ ప్రభుదేవ కి నేర్పిన steps గుర్తోచాయి ...(అదే టాప్ తిప్పడం, సిగరెట్ ఆర్పడం, బల్బు పెట్టడం )...అసలు తలచుకుంటేనే నాకు పిచ్చిగా నవ్వొస్తోంది....వాటిని చేయడం నా వల్ల కాలేదు ఆ టైం కి ....చివరికి Hitch movie steps కే fix అయిపోయా....కాసేపు చిటికలు వేస్తూ ...కాసేపు చప్పట్లు కొడుతూ పాడాను....మొత్తానికి అటు ఇటు గా రెండు గంటలు ఇలా గడిపేసి వచ్చేసాం....చివర్లో ఒక అమ్మాయి వచ్చి....you are not dancing ....but you are singing a lot sanjeev ..అనేసి వెళ్ళిపోయింది!!

అసలు  డాన్సు చేయడానికి మ్యూజిక్ లో రిథం తెలియాలి...అలా తెలుసుకోడం ఒక కళ ...ఆ కళ మా  జీన్సు లో అసలు లేవు...మా నాన్న కి కానీ, మా బాబాయిలకి కాని, మా అన్నయ్యకి, అక్కకి , అత్తకి ...అస్సలు లేవు....మా నాయినమ్మ కాస్త పాటలు పాడేది ....కాబట్టి కచ్చితంగా మా తాతయ్య నుంచి వచ్చిన జీన్సు ప్రభావమే ఇదంతా.....అందుకే ఆయనని అనాలి అసలు .