రమ్యంగాకుటీరం లో రావణుడి కస్టాలు

 

తెలుగు బ్లాగర్లలో కొన్ని గ్రూపులు ఉన్నాయండి. ఎందుకో సరిగ్గా తెలియదు కానీ అవి బాగా గొడవ పడుతున్నాయి . ఒక గ్రూప్ ఇంకో గ్రూప్ ని ఏదో ఒకటి అనడం జరుగుతూనే ఉంది.

ఈ గొడవ మధ్యలో … ఎలా ఇరుక్కుందో కాని రామాయణం లో సీత దేవి వచ్చి ఇరుక్కుపోయింది. గొడవ మధ్యలో ఆవిడని పెట్టేసారు. అసలు రావణుడు ఆమెని ఎన్ని సార్లు చేరిచాడు అన్న శీర్షిక తో ఒక టపా వచ్చింది. ఆ పోస్ట్ లో రామాయణం మీద కొన్ని ప్రశ్నలు వేయబడ్డాయి.  పురాణాల మీద చర్చ లాంటిది  ఏమో  అనుకున్నా . కాని కామెంట్స్ లో చూస్తె , అద్వాని దేశం లోని ముస్లిం సోదరులందరికి క్షమాపణ చెప్పేదాకా ప్రాణాలని సైతం లెక్క చెయ్యనని ఆ బ్లాగ్ ఓనర్ చెప్పడం జరిగింది. మధ్యలో ఈ అద్వాని ఎందుకు వచ్చాడో అర్థం కాలేదు.  చాలా మంది ఆ title బాలేదని మార్చవలసిందిగా కోరారు.

ఇది లింకు http://ramyamgakutirana.blogspot.com/2011/02/blog-post_8919.html

బ్లాగు ఓనరు గారు, ఆ శీర్షిక తో ఎందుకు రాయాల్సి వచ్చిందో తర్వాతి పోస్ట్ లో వివరిస్తూ…ఈ గ్రూపుల మధ్య జరిగిన గొడవలో ఒక బ్లాగు లో స్త్రీలని కించపరిచే కామెంట్స్ ఇచ్చారని., ఎవరికి రాని అభ్యంతరం తనకి కలిగిందని అందుకే “రావణుడు సీతాదేవిని ఎన్ని సార్లు చేరిచాడు “ అన్న పేరుతో పోస్ట్ రాసానని వివరించారు. ( నాకు లాజిక్ సరిగ్గా అర్థం కాలేదు కాని ఇది ఆవిడ ఇచ్చిన reason)

http://ramyamgakutirana.blogspot.com/2011/02/blog-post_11.html

సరే,ఈ గ్రూప్ గొడవలలో తనని లాగారని సీతదేవి బాధపడింది. అగ్ని లో దూకి తన శీలం నిరూపించుకుని , చివరికి మహారాణి అయ్యి అంతా బాగుంది అనుకున్న సమయం లో ఒక చాకలి వాడు ఏదో అన్నాడని తన భర్త వదిలేశాడని. ఇప్పుడు ఈ పోస్ట్ చదివి మళ్ళి అలంటి ప్రోగ్రాం ఎమన్నా పెడతాడని తన భయంట. ఇలా అని ఆవిడ నా కల లోకి వచ్చి చెప్పింది. . …నిజంగా రాముడు మళ్ళి సీతని వదిలేస్తాడెమో అని నేను టెన్షన్ పడుతూ ఉంటే రాముడు వచ్చాడు కల లోకి … అప్పుడంటే ఏదో అలా అయిపొయింది. ఇలా ఎవరెవరో కొట్టుకుంటూ నా భార్యని మధ్యలోకి లాగితే నేనేం చెయ్యను. నేను మటుకు నా భార్యను ఈ సారి విడిచే సమస్యే లేదు. మీ బ్లాగుల్లో ఎం చేస్కుంటారో చేస్కోండి అని తేల్చి చెప్పి వెళ్ళిపోయాడు. హమ్మయ్య అనుకున్న.

ఇంతలో రావణాసురుడు వచ్చాడు. మామూలుగా రాలేదు . ..అరుస్తూ వచ్చాడు. ఇలా రావణుడు సీతని ఎన్ని సార్లు చేరిచాడు అన్న ప్రశ్న తో తన మీద rapist అనే ముద్ర పడే అవకాశం ఉందని. తను సీతని ఎలాగో ఒక లాగ ముందు పెళ్లి చేసుకున్దామనుకున్నాడని, అందుకే ఎత్తుకోచ్చినా అశోక వనం లోనే పెట్టాడని, ఆఖరికి ఒక బొమ్మ రాముడి తల తీసుకు వచ్చి సీతని మోసం తో అయినా సరే పెళ్లి చేసుకున్దమనుకున్నాడు కాని తనని rape చేసే ఉద్దేశ్యాలు తనకి ఏ మాత్రం లేవని …తానేమి చీపు లిక్కరు తాగి అమ్మాయిలని చెరిచే రకం కాదని, ఎందుకలా తన image నాశనం చేయడానికి ప్రయత్నిస్తునారని లబో దిబో అన్నాడు. పాపం అయన చెప్పింది కూడా పాయింట్ కదా…వీళ్ళు వీళ్ళు కొట్టుకుంటే కొట్టుకున్నారు. అసలే ఒక ఆడదాని కోసం కొడుకులని , తమ్ముళ్ళని , రాజ్యాన్ని చివరికి ప్రాణాలు కూడా పోగొట్టుకున్న వాడిగా పేరు తెచ్చుకున్న వాడు.  ఇప్పుడు rapist అన్న ముద్ర కూడా పడితే ఎలా ?

ఇంతలో సదరు బ్లాగ్ ఓనరు గారు ఇంకో పోస్ట్ పెట్టారు …ఈ సారి దాని టైటిల్ “ రావణుడిని చూసి సీత మోమైత్ ఖాన్ లా ఎందుకు నవ్వింది ? “ అని .ఆ బ్లాగ్ పోస్ట్ లో స్వయంవరం లో రావణుడిని చూసి సీత నవ్విందని (మోమైత్ ఖాన్ లాగా ), అందుకు రావణుడు చాలా బాధ పడ్డాడని , ఆ బాదే యుద్ధం గా మారిందని అన్నారు. ఇది నిజంగా రామాయణం లో కొత్త ట్విస్టు.

http://ramyamgakutirana.blogspot.com/2011/02/blog-post_12.html

మళ్ళి సీత , రాముడు , రావణుడు అందరు కలలోకి వస్తారు. లేదా మోమైత్ ఖాన్ అన్నా వస్తుంది అనుకుంటే విచిత్రంగా శూర్పణఖ వచ్చింది. నీకేమయింది అని అడిగితే “ చూసావ చూసావ ఆ రాముడు నన్ను కాదన్నాడని, లక్ష్మణుడు నా ముక్కు చెవులు కోసాడని నేను బాధతో ఏడుస్తూ వెళ్తే కదా రావణుడు సీతని ఎత్తుకొచ్చింది అనుకున్నాం ఇన్నాళ్ళు . ఇప్పుడు చూడు ఆ సీతని kidnap చేయడం నా ఏడుపు చూసి కాదన్నమాట. ఆవిడ ఎప్పుడో చూసి నవ్విందట అందుకంట …..ఇన్ని రోజులు మా అన్న నా మీద ప్రేమతో చేసాడనుకుని ..ఏదో తెలుగు మూవీస్ లో అన్న చెల్లెళ్ళ సెంటిమెంటు పాటలు పాడుకుంటూ గడిపేశా . …నా కోసం కాదన్నమాట. ఆ మోమైత్ ఖాన్ నవ్వుతున్న ఫోటో 10 prints తీయించి వాడి మొహాల ముందు పెడతా …అప్పుడు కాని వాడి తిక్క కుదరదు” అంటూ …తన అన్నని తిడతా ఉంది. నాకు తెలుసు రావణుడు నా కల చుట్టుపక్కలకి వస్తే చెల్లెలి చేతిలో దొరికిపోతాడని ఎక్కడో కూర్చొని పది బుర్రలు గోక్కుంటూ ఏంటి ఈ బ్లాగు గోల అనుకుంటూ ఉన్నాడని 

.