చలం పుస్తకాలని ఎలా అర్థం చేసుకోవాలంటే..

మీలో ఎవరికైనా తెలిస్తే కాస్త చెప్పండి..నేను కూడా ఆ కోణం లోంచి చదివి అర్థం చేసుకోడానికి ప్రయత్నిస్తాను. ఈ ప్రశ్నకి సమాధానం నేను ఎప్పటినుంచో వెతుకుతున్నాను కాని నాకు సరిగ్గా అర్థం కాలేదు.

 మహాప్రస్థానం కి చలం ముందు మాట చదివి నేను చలం పట్ల చాలా impress అయ్యాను. ఆ తర్వాత చలం పుస్తకాల గురించి నాకు మొదట వచ్చిన review "బూతు పుస్తకాలు" అని. ఆ చెప్పిన వ్యక్తీ పుస్తకాల అభిరుచి మీద నాకు పెద్దగా నమ్మకం లేకపోవడం వల్ల నేను పెద్దగా పట్టించుకోలేదు.

మొదటగా మైదానం చదివాను.  మొదట్లో వింతగా అనిపించినా పుస్తకం చివరకి వచ్చేసరికి ....ప్రాణాలు ఇచ్చెంతాలా ఒకరి కన్నా ఎక్కువ మందిని ప్రేమించోచ్చు అన్న విషయం చెప్పదలచుకున్నాడు అనిపించింది. నాకా point మీద కొన్ని సందేహాలు ఉన్నప్పటికీ... బాగానే ఉంది అనుకున్నాను.

తర్వాత  శశిరేఖ చదివాను. ప్రేమ పట్ల confusion లో ఉన్న అమ్మాయి జీవితం మీద కథ అనిపించింది. ఒక వ్యక్తీ ఆదరిస్తున్నా, శ్రుంగారం కోసం ఆరాధిస్తున్నా ప్రేమ అనుకునే అమ్మాయి కథ అనిపించింది. మంచి పుస్తకం అన్న ఫీలింగ్ వచ్చింది.

బ్రాహ్మణీకం  మూడో పుస్తకం. మొత్తం ఎలా ఉన్నా , ఎవరమ్మా మీరు అన్న ప్రశ్నకి మేము బ్రాహ్మలం అని తను సమాధానం ఇవ్వడం, బ్రాహ్మణుల మీద ఎప్పటినుంచో ఉన్న కోపం ఒక్కసారిగా బయటకి వచ్చి ఆ ముసలాడు మోసం చేయడం బాగా ఆలోచింపజేశాయి. బాగుంది అనుకున్న చివర్లో ..

 కాని  అప్పటికే చలం పుస్తకాల మీద ఒక అభిప్రాయం ఏర్పడింది. చలం తన పుస్తకాల ద్వారా love , lust ఒక్కటే అని నిరూపించడానికి ప్రయత్నిస్తున్నాడు అనిపించింది. సమాజపు కట్టుబాట్లకి , పెళ్ళికి వ్యతిరేకి అనిపించింది. బ్రాహ్మణీకం, మైదానం ద్వారా చలం మతానికి, కులానికి తనకి ఉన్న వ్యతిరేకత చాటాడు అనిపించింది. కాకపోతే చలం పుస్తాకలలో హీరోయిన్ ఎప్పుడు ముసలి అవ్వదు, కథ మొత్తం తను యవ్వనం లో ఉన్నప్పుడే జరుగుతుంది. బ్రాహ్మణీకం లో తప్ప ఎక్కడా హీరోయిన్ కి పిల్లలు పుట్టరు. తను ప్రేమించిన వ్యక్తీ ఇంకో స్త్రీ తో ప్రేమలో ఉన్నా పెద్దగా బాధపడదు. ఒకళ్ళని ఒకళ్ళు అర్థం చేసుకోడం, ప్రేమించిన వ్యక్త్రి గురించి care తీసుకోడం, ఆ వ్యక్తీ తో రోజువారి జీవితాన్ని పంచుకోడం లాంటివి చలం definition of love లో అసలు లేవు. Love is nothing but lust అని చెప్పడానికి బాగా ట్రై చేస్తాడు అనిపించింది.

తర్వాత  అరుణ చదివాను. story of a playgirl అనిపించింది. ఆ పుస్తకం లో హీరోయిన్ పెళ్లి అయ్యాక తన పాత ప్రియుడ్ని కలవడానికి వస్తు వస్తు ట్రైన్ లో మరొక వ్యక్తిని ప్రేమలోకి దింపుతుంది. ఏంటో వెరైటీ పుస్తకంఅనిపించింది. ఈ పుస్తకం లో హీరోయిన్ చేసే పనులన్నీ ...ఒక మగవాడు చేసి ఉంటె వాడ్ని స్త్రీలోలుడు, చెడ్డవాడు , నీచుడు, ఆడవాళ్ళని ఒక వస్తువులా వాడుకుంటాడు అని అంటారు. మరి అదే పని ఒక స్త్రీ మగవాళ్ళతో చేస్తే మంచి పని అయిపోతుందా ? అలాంటి స్త్రీని "పురుష లోలి" అనొచ్చేమో ...  

ఇంతలో  కొంతమంది రంగనాయకమ్మఅభిమానులు పరిచయం అయ్యారు. వాళ్ళు చలం పుస్తకాలు స్త్రీవాదం ని support చేస్తాయని, అది అభ్యుదయ సాహిత్యం అన్నారు. ఇదెక్కడి స్త్రీవాదమో నాకర్థం కాలేదు. స్త్రీవాదం అంటే నేను అప్పటిదాకా సమాన హక్కుల కోసం పోరాటమో, స్త్రీలని తక్కువ చేసి చూడటాన్ని వ్యతిరెంకించడం లాంటివి అనుకున్న. స్త్రీవాదం అంటే proposing open relationships అని తెలియదు. మధ్య మధ్య కొన్ని వాక్యాలు తప్ప మొత్తం కథ లో స్త్రీ స్వేచ్చ అంటే commitment లేకుండా ఆ సమయానికి ఎవరు నచ్చితే వాళ్ళని ప్రేమించడం అని ఉంటుంది. మరి వీళ్ళందరికీ orange మూవీ కూడా నచ్చిందేమో తెలియదు.

ఈ విషయం మీద ఇంకొంచం దీర్ఘంగా ఆలోచించగా అసలు చలం మీద సందేహాలు వచ్చాయి. అసలు ఈ పుస్తకాలు అన్ని వెటకారంగా రాసినవేమో అనిపించింది. అంటే మీ ప్రియురాళ్ళు, భార్యలు ఇలా తిరిగితే ఎలా ఉంటుందో అర్థం అయింది కదా....కాబట్టి ముందు మీరు ఇలా చెడు తిరుగుళ్ళు ఆపండి అని మగవాళ్ళకి సందేశం ఇవ్వాలని అనుకున్నాడేమో అనిపించింది.

చలం మ్యూజింగ్స్  గురించి చాలా విన్నాను. అది చదవాలని ఉంది. కాని అది కూడా ఇలా మిగతా చలం పుస్తకాల లాగే ఉందేమో అని సందేహం. అసలు ముందు చలం సాహిత్యం స్త్రీవాద సాహిత్యం ఎలా అయ్యిందో అర్థం చేసుకుని కాని మిగతా చలం పుస్తకాలని చదవొద్దు అనుకొన్నా ...ఎవరికినా చెబితే ...తెలుసుకుని ఆనందిస్తాను.