అవును , నేను పాత విల్లన్ లాంటి వాడినే !!

పాత విలన్ అనగానే , రంగురంగుల లైట్లు వెలుగుతున్న ఒక Den with sliding doors ఓనర్ , స్మర్గ్లింగ్ , గట్టిగా నవ్వడం,  హీరో చేతికి దొరకగానే వెంటనే చంపకుండా పెద్ద పెద్ద డైలాగులు  ఇస్తూ ఉండటం,  ఇలాంటి విల్లన్ కాదు.

అసలు ముసలితనం , చావు ని తప్పించుకోవాలని చూడటం, ప్రపంచాన్ని జయించాలి అనుకోడం , ఒక నిది సంపాదించాలి అనుకోడం , ఇలాంటి విల్లన్ అన్నమాట . అంటే ఒక Dorian  Gray, ఒక పాతాళభైరవి  మాంత్రికుడు ,  అంజి లో విలన్ , వాలి, భస్మాసురుడు ....ఓహ్ ఈ లిస్టు చాలా పెద్దది లెండి, అప్పట్లో అసలు చావుని తప్పించాలనుకోడం చాలా తప్పు అన్నట్టు చూపించేవారు.

ముసలితనం, దాని తర్వాత చావు ప్రతి జీవికి ఉండేవే కదా...చుట్టూ ఇంతమంది రోజు ముసలివరవడం, చావడం చూస్తున్నాం కాదా , కాబట్టి చావు వొద్దు అనుకోడం మూర్ఖత్వం , అమాయకత్వం ...అంటూ చెప్పే పెద్దమనుష్యులంతా, ముసలితనం దాచుకోడానికి జుట్టుకి రంగులు వేసి, ponds age miracle లాంటివి వాడుతూ , తొందరగా బకెట్ తన్నకుండా ఉండడం కోసం ఆరోగ్యంగా ఉండటం కోసం మంతెన సత్యనారాయణ రాజు గారి ప్రోగ్రామ్స్ చూస్తూ ఉండే రకాలు, అసలు వాళ్ల మాటలని పట్టించుకోక్కర్లె .

ఇక నిమిషానికి  పదిసార్లు ' ఈ పని చెయ్యలేక చస్తున్నా , ఆ పని చేయలేక చస్తున్నా ' అనే వాళ్ళని, ఏదో facebook  app లోనో , ఒక చెత్త వెబ్సైటు లోనో వాళ్ళు ఫలానా రోజు చస్తారు అని ఒక తేది చూసుకుని, అందరికి చూపించి , ఇంకా అంతకాలం బ్రతకాలా నేను అనే వాళ్ళు  ( ఇలాంటి వాళ్లకి వెంటనే ఒక కత్తి  ఇచ్చి ....go ahed అని చెప్పాలని ఉంటుంది నాకు ) ...ఇలాంటి నిరాశావాదులని కూడా లైట్ తీసుకోవచ్చు . 

చావుని చూసి భయపడటం అనేది ఇప్పటిది కాదు కదా ...యక్ష ప్రశ్నలలో ఒక ప్రశ్నకి సమాధానంగా ధర్మరాజు, రోజు చాలా మంది చావడం చూస్తున్న, మనుష్యులు చావుని accept చేయకపోడమే పెద్ద వింత అంటాడు . సాహిత్యం లో కూడా మరణం గురించి మంచి ప్రస్తావనే ఉంటుంది . కాని ఎందుకు మరణాన్ని ఆమోదిన్చాలేకపోతున్నాం?

ఇక్కడ సమస్య,  ముసలితనం వచ్చాక ముడతలు , మరణం తర్వాత స్వర్గమా నరకమా అని కాదు, ఇక్కడ సమస్య జీవితం అందంగా ఉండటం. ఏది ఏమయినా చివరకి ఆనందం ఉంటుంది అనే నమ్మకం ఉండటం, అసలు చుట్టూ ఉన్న ప్రపంచం ని పూర్తిగా తెలుసుకోడానికే చాలా సమయం పట్టడం, ఈ ఆనందం ఎప్పటికీ ఉండాలి అనుకోడం ...అది సమస్య. 

ఇప్పుడు ఈ సమస్యకి పరిష్కారం, కాలానికి ముసలితనానికి ఉన్న సంబంధాన్ని చేరిపివేయడం.  అనగా గడుస్తున్న సంవత్సరాలకి, వయస్సుకి ఉన్న సంబంధం. వయస్సుని తమ ఆధీనం లోకి తెచ్చుకోవాలి అనుకున్నవారు  "fountain of youth" వెనకాల పడ్డారు , సమయాన్ని ఆధీనం లోకి తెచ్చుకుని  ఒకవేళ ముసలితనం వచ్చేసినా గతం లోకి ప్రయాణం చేసి , అలా ఎప్పటికి యవ్వనం లో ఉండిపోడం అనుకునేవారు ,, టైం మెషిన్ అన్నారు. మొదటి పరిష్కారం mythology లో బాగా కనిపిస్తుంది, రెండవిది sci-fiction లో పేరు తెచ్చుకుంది. 

ఇలా అనుకునే వారి పాయింట్ ఏంటంటే "The world is a fine place and worth  fighting for and I hate very much to leave it."      

జీవితం లో ఎన్ని దెబ్బలు తగిలినా...అది ఇంకా అందంగానే , hopeful గానే ఉంటె, అదీ సమస్య. ఇప్పుడు ఇదంతా ఎందుకు రాశాను అంటే , మొన్ననే నా పుట్టిన రోజు అయ్యింది... చెప్పగా సంవత్సరాలకి , వయస్సుకి సంబంధం లేకుండా ఉంటె బాగుండేది అని, అది నా బాధ. 

ఇదే  విషయం మీద రెండేళ్ళ క్రితం నా బ్లాగు లోనే గోల్లుమన్నాను ... ఆ  గోల  ఇక్కడ  ఉంది